brightness_1 شہادتین کے بعد مخصوص ذکر

مؤذن جب دوسری مرتبہ ’أَشْھَدُ أَنَّ مُحَمَّدًا رَّسُولُ اللّٰہِ‘کہہ لے تو سامع کو وہ مسنون ذکر کرنا چاہیے جو حدیث میں بیان ہوا ہے۔

حضرت سعد رضی الله عنه کہتے ہیں کہ رسول اللہ ﷺ نے فرمایا: ’’جس نے مؤذن کے شہادتین کے کلمات سن کر کہا:

’أَشْھَدُ أَنْ لَّا إِلٰہَ إِلَّا اللّٰہُ وَحْدَہُ لَا شَرِیکَ لَہُ، وَأَنَّ مُحَمَّدًا عَبْدُہُ وَرَسُولُہُ، رَضِیتُ بِاللّٰہِ رَبًّا وَبِمُحَمَّدٍ رَّسُولًا وَبِاْلإِسْلَامِ دِینًا‘

’’میں شہادت دیتا ہوں کہ اللہ کے سوا کوئی معبود نہیں، وہ یکتا ہے، اُس کا کوئی شریک نہیں اور یہ کہ محمد اُس کے بندے اور رسول ہیں۔ میں راضی ہوں اللہ کے رب ہونے پر اور محمد کے رسول ہونے پر اور اسلام کے دین ہونے پر۔‘‘

اُس کے گناہ بخش دیے گئے۔‘‘ (صحیح مسلم، حدیث: 386۔)

brightness_1 اذان کے بعد درود پڑھنا

حضرت عبداللہ بن عمرو رضی الله عنه سے روایت ہے، کہ رسول اللہﷺ نے فرمایا: ’’جب تم مؤذن کو سنو تو وہی کہو جو وہ کہتا ہے۔ پھر مجھ پر درود بھیجو کیونکہ جو شخص مجھ پر ایک مرتبہ درود بھیجتا ہے اللہ اس پر دس مرتبہ رحمت کرتا ہے۔ پھر اللہ تعالیٰ سے میرے لیے وسیلے کا سوال کرو کہ وہ جنت میں ایک مقام ہے جو اللہ کے بندوں میں سے صرف ایک بندے کے لائق ہے اور مجھے امید ہے کہ وہ میں ہی ہوں۔ اس لیے کہ جس شخص نے میرے لیے وسیلے کا سوال کیا اس کے لیے میری شفاعت واجب ہو گئی۔‘‘ (صحیح مسلم، حدیث: 384۔)

درود کی افضل صورت درودِ ابراہیمی ہے۔" اللهم صلِّ على محمد وعلى آل محمد ,كما صليت على إبراهيم...".