brightness_1 نمازِ عشاء دیر سے پڑھنا افضل ہے

نمازِ عشاء کو اُس کے آخری وقت تک مؤخر کرنا افضل ہے۔ 

اس کی دلیل: حضرت عائشہ رضی اللہ عنہا فرماتی ہیں کہ نبیﷺ نے ایک رات عشاء کی نماز میں دیر کر دی یہاں تک کہ رات کا بیشتر حصہ گزر گیا اور اہل مسجد بھی سوگئے ، پھر آپ تشریف لائے ، نماز پڑھائی اور فرمایا: ’’اگر (مجھے) یہ (ڈر) نہ ہوتا کہ میں اپنی امت کو مشقت میں ڈال دوں گا تو اس نماز کا یہی (بہترین) وقت ہے۔‘‘ (صحیح مسلم، حدیث: 638۔)

ایسی خاتون جو گھر میں نماز پڑھتی ہے اور جماعت کے ساتھ منسلک نہیں ہوتی، اس کے لیے بھی یہی سنت ہے کہ اگر اُسے گراں نہ گزرے تو وہ نمازِ عشاء دیر سے پڑھے۔ اسی طرح مرد بھی اگر جماعت کے ساتھ منسلک نہ ہو، مثلاً: وہ سفر میں ہو یا کوئی اور عذر ہو تو اُس کے لیے بھی سنت یہی ہے کہ وہ نمازِ عشاء کو مؤخر کرے۔