logo
languageIcon
بحث
بحث
beforeFajronColorIcon مقررہ اوقات کی سنتیں/ وقت ظہر / ( اور اس کی تعداد 3 سنتیں )
brightness_1 فرائضِ ظہر سے پہلے اور بعد کی سنت نماز

فرائض ظہر سے پہلے چار اور بعد میں دو رکعات پڑھنا سنت ہے۔ اس کے دلائل میں سیدہ عائشہ ، حضرت ام حبیبہ اور حضرت ابن عمررضی اللہ عنہم اجمعین کی روایت کردہ احادیث شامل ہیں۔

أُمَّ حَبِيبَةَ - رضي الله عنها - فرماتی ہیں : میں نے سنا آپ صلی اللہ علیہ وسلم فرما رہے تھے: " جس نے دن اور رات میں بارہ رکعات ادا کیں اس کے لئے جنت میں ایک گھر بنا دیا جائے گا " صحیح مسلم حدیث (728),

جامع ترمذی میں یہ اضافہ ہے " چار ظہر سے پہلے , دو ظہر کے بعد ,دو مغرب کے بعد , دو عشاء کے بعد , دو فجر سے پہلے  " جامع ترمذی حدیث (415) . امام ترمذی نے اس حدیث کو "حسن صحيح " کہا ہے.
brightness_1 نمازِ ظہر کی پہلی رکعت کا طویل کرنا سنت ہے

حضرت ابوسعید خدری رضی الله عنه سے روایت ہے، انہوں نے فرمایا: ظہر کی نماز کھڑی کر دی جاتی تھی اور جانے والا بقیع کی طرف جاتا۔ وہ اپنی ضرورت سے فارغ ہو کر وضو کرتا، پھر (مسجد میں) آتا اور رسول اللہﷺ اسے لمبا کرنے کی وجہ سے ابھی پہلی رکعت ہی میں ہوتے تھے۔ (صحیح مسلم، حدیث: 454۔)

امام کے لیے سنت ہے کہ وہ نماز ظہر کی پہلی رکعت کو طویل کرے۔ اسی طرح جو شخص اکیلا نماز پڑھتا ہے یا عورت گھر میں نماز پڑھتی ہے، انھیں بھی چاہیے کہ نمازِ ظہر کی پہلی رکعت کو طویل کریں۔

یہ سنت ترک ہو چکی ہے، اس لیے اسے زندہ کرنا ضروری ہے۔
brightness_1 سخت گرمی میں ظہر کی نماز گرمی کا زور ٹوٹ جانے تک مؤخر کرنا سنت ہےـ

حضرت ابوہریرہ رضی الله عنه سے روایت ہے کہ نبی کریمﷺ نے ارشاد فرمایا: ’’جب گرمی شدید ہو تو نماز کو ٹھنڈا کرو کیونکہ گرمی کی شدت جہنم کی بھاپ سے ہے۔‘‘ (صحیح بخاری، حدیث: 534,533۔)

الشیخ ابن عثیمین رحمہ اللہ نے لکھا ہے : ’’مثال کے طورپر گرمیوں میں اگر زوال کا وقت بارہ بجے ہو اور عصر تقریبًا ساڑھے چار بجے ہو تو ابراد تقریبًا چار بجے تک ہوگا۔‘‘ (الممتع: 2/104۔)

صحیح یہ ہے کہ ابراد سب کے لیے ہے، چاہے کوئی جماعت سے نماز پڑھے چاہے اکیلا۔ ہمارے استاذ ابن عثیمین نے اسی کو اختیار کیا۔ خواتین کے لیے بھی یہی حکم ہے۔ اُن کے لیے بھی سخت گرمی میں ابراد سنت ہے کیونکہ سیدنا ابو ہریرہ ﷺ کی روایت عمومی مفہوم کی حامل ہے۔