brightness_1 वजू गर्दा पहिला मुख कुल्ला गर्नु र नाकमा पानी तानेर सफा गर्नु ।

यसको प्रमाण : उस्मान (रदियल्लाहु अन्हु) को हदीसमा छ, उनले नबी (सल्लल्लाहु अलैहि वसल्लम) को वजूको तरिका वर्णन गर्ने क्रममा भनेका छन् : “उहाँले मुख कुल्ला गर्नुभयो अनि नाकमा पानी तानेर राम्रोसँग सफा गर्नुभयो । त्यसपछि आफ्नो अनुहारलाई ३ पटक धुनु भयो .....।” (बुखारी : १९९), (मुस्लिम : २२६)

यदि कसैले पहिला अनुहार धुएपछि मुख कुल्ला र नाक सफा गर्छ भने पनि उसको वजू हुन्छ ।

brightness_1 ब्रतालु बाहेकले मुख कुल्ला गर्दा र नाकमा पानी तान्दा अत्याधिक पानी हाल्नु ।

यसको प्रमाण : लोकैत बिन सब्रह (रदियल्लाहु अन्हु) को हदीसमा छ, “नबी (सल्लल्लाहु अलैहि वसल्लम) ले उनलाई वजूको तालिम दिने क्रममा भन्नुभयो : “पूर्ण तरिकाले वजू गर, हातखुट्टाका औंलाहरूबीच राम्रोसँग मोलेर धोऊ र ब्रत बसेका छैनौ भने नाकमा पानी हालेर राम्रोसँग सफा गर ।” (अहमद : १७८४६), (अबू-दाऊद : १४२) इब्ने हजर (रहेमहुल्लाह) ले यो हदीसलाई ‘सही’ भनेका छन् । (अल्-एसाबह : ९/१५ मा हेर्नुहोस्)

brightness_1 ३/३ चोटि धुनु ।

स्मरण रहोस्, वजू गर्दा एक पल्ट धुनु अनिवार्य र दोहोर्याई तेहराई धुनु सुन्नत हो । तर, ३ भन्दा बढी धुनु हुँदैन ।

यसको प्रमाण :

अब्दुल्लाह बिन अब्बास (रदियल्लाहु अन्हुमा) को हदीसमा छ : “रसूल (सल्लल्लाहु अलैहि वसल्लम) ले १/१ पटक धुएर वजू गर्नुभयो ।” (बुखारी : १५७)

अब्दुल्लाह बिन जैद (रदियल्लाहु अन्हु) को हदीसमा छ : “रसूल (सल्लल्लाहु अलैहि वसल्लम) ले २/२ पटक धुएर वजू गर्नुभयो ।” (बुखारी : १५८)

उस्मान (रदियल्लाहु अन्हु) को हदीसमा छ, “रसूल (सल्लल्लाहु अलैहि वसल्लम) ले ३/३ पटक धुएर वजू गर्नुभयो ।” (बुखारी : १५९)

तसर्थ, कहिले १ पल्ट, कहिले २ पल्ट र कहिले ३ पल्ट धुएर वजू गर्नु राम्रो हो । यसरी सम्पूर्ण हदीसमाथि अमल गर्न सकिन्छ । तर ३/३ चोटि धुनु उत्कृष्ट तरिका हो ।

त्यसैगरी अनुहार ३ चोटि, हात २ चोटि र खुट्टा एक चोटि पनि धुन सकिन्छ । (अब्दुल्लाह बिन जैद (रदियल्लाहु अन्हु) को अर्को हदीसमा छ, जादुल्-मआद १/१९२ मा हेर्नुहोस्)

brightness_1 वजूपछिको दुआ पढ्नु ।

उमर (रदियल्लाहु अन्हु) को हदीसमा छ : “रसूल (सल्लल्लाहु अलैहि वसल्लम) ले भन्नुभएको छ : “जसले राम्रोसँग वजू गर्छ अनि ‘अश्हदु अल्ला इला ह इल्लल्लाहु व अन्न मुहम्मदन् अब्दुल्लाहि व रसूलुह’ पढ्छ, उसको लागि जन्नत (स्वर्ग) का आठैवटा ढोकाहरू खोलिनेछ र ऊ जुनसुकै ढोकाबाट जन्नतमा प्रवेश गर्न सक्छ ।” (मुस्लिम : २३४)

वा अर्को दुआ जुन अबू-सईद (रदियल्लाहु अन्हु) को हदीसमा प्रमाणित छ : “जसले वजूपछि ‘सुब्हान कल्लाहुम्म व बिहम्दिक अशहदु अल्ला इला ह इल्ला अन्त, अस्तग-फेरूक व अतूबो एलैक’ पढ्छ, अल्लाह तआलाले त्यसमा छाप हानेर आर्शमुनि सम्मानका साथ राखि दिनुहुनेछ र यो छाप कयामतसम्म बाँकी रहनेछ ।” (निसाईको ‘अमलुल्-यौम वल्-लैलह’ पृष्ठ न० : १४७ मा हेर्नुहोस्), (हाकिम १/७५२)

इब्ने हजर (रहेमहुल्लाह) ले भनेका छन् : “उक्त हदीस मर्फुअन (रसूलबाट) प्रमाणित छैन, यो मौकूफन (सहाबीबाट) प्रमाणित छ, तर यो मर्फुअन (रसूलबाट) कै कायममुकाम छ, किनभने यस्ता कुराहरू आफ्नो मनले भन्न सकिदैन ।” (नताएजुल्-अफ्कार १/२४६ मा हेर्नुहोस्)