Naunang nabanggit sa pagtatalakay sa mga sunnah rātibah na itinatagubilin na magdasal ng apat na rak`ah bago ang ṣalāh sa dhuhr at na itinatagubilin din na magdasal ng dalawang rak`ah matapos nito, gaya ng ipinahihiwatig hinggil doon ng ḥadīth ayon kina `Ā’ishah, Umm Ḥabībah, at Ibnu `Umar – malugod si Allāh sa kanilang lahat.
Batay sa ḥadīth ayon kay Abū Sa`īd Al-Khudrīy – malugod si Allāh sa kanya – na nagsabi: “Talaga ngang ang ṣalāh sa dhuhr ay pinagsasagawaan ng iqāmah at makapupunta ang papunta sa Al-Baqī` at tugunin nito ang tawag ng kalikasan nito. Pagkatapos ay magsasagawa ito ng wuḍū’. Pagkatapos ay pupunta ito samantalang ang Sugo ni Allāh – pagpalain siya ni Allāh at pangalagaan – ay nasa unang rak`ah, na kabilang sa pinahahaba niya.” Isinaysay ito ni Imām Muslim na may numerong 454. Alinsunod dito, tunay na bahagi ng sunnah para sa imam na pahabain ang unang rak`ah ng dhuhr, gayon din sa sinumang nagdasal nang mag-isa, at gayon din ang babae sa ṣalāh niya para sa dhuhr. Ito ay kabilang sa mga sunnah na naglalaho. Hinihiling natin kay Allāh – pagkataas-taas Niya – ang pagpapatupad sa sunnah sa anyong pinakaganap at ang pagsisigasig dito.
Nagpapatunay rito: Ang ḥadīth ayon kay Abū Hurayrah – malugod si Allāh sa kanya: “Kapag tumindi ang init, magpalamig-lamig kayo bago magdasal sapagkat tunay na ang tindi ng init ay mula sa buga ng Impiyerno.” Isinaysay ito ni Imām Al-Bukhārīy na may numerong 533, 534. Isinaysay ito ni Imām Muslim na may numerong 615. Nagsabi ang Shaykh nating si Ibnu `Uthaymīn – kaawaan siya ni Allāh: “Kaya kapag tinaya natin, halimbawa, na ang araw sa mga araw ng taglamig ay sumasapit sa katanghaliang-tapat sa 12:00 at ang `aṣr ay sa mga 4:30, ang pagpapalamig-lamig ay magiging sa bandang 4:00.” Tingnan: Al-Mumti` 2/104. Ang pagpapalamig-lamig ay sumasaklaw sa sinumang nagdarasal sa konggregasyon o sa sinumang nagdarasal nang mag-isa ayon sa tumpak na hatol. Pinili ito ng Shaykh nating si Ibnu `Uthaymīn – kaawaan siya ni Allāh. Alinsunod dito napabibilang doon ang mga babae rin kaya itinuturing na sunnah para sa kanila na magpalamig-lamig sa sandali ng tindi ng init batay sa pagkapanlahat ng ḥadīth ayon kay Abū Hurayrah – malugod si Allāh sa kanya.
