brightness_1 Ayaqqabı geyinərkən sağ taydan başlamaq.

Ayaqqabı geyinərkən sağ taydan, soyunarkən isə sol taydan başlamaq

sünnədir.

Əbu Hureyra (Allah ondan razı olsun) rəvayət edir ki, Peyğəmbər (salləllahu aleyhi və səlləm) demişdir: “Sizdən biriniz ayqqabısını geyindikdə sağ tayından, çıxartdıqda isə sol tayından başlasın. Qoy əvvəl geyindiyi və son çıxardığı sağ tayı olsun” (əl-Buxari: 5856; Müslim: 2095).

Başqa rəvayətdə isə deyilir: “Sizdən biriniz ayaqqabısının ancaq bir tayın geyib gəzməsin. Ya ikisini də çıxarsın, ya da ikisini də geyinsin” (əl-Buxari: 5855).

Bu qeyd etdiyimiz iki hədisdə 3 sünnə əməl vardır:

1.Ayaqqabı geyinməyi sağ tayla başlamaq;

2.Ayaqqabı çıxarmağı sol taydan başlamaq;

3.Ayaqqabının ancaq bir tayı ilə gəzməmək; ya hər ikisini çıxarmaq, ya da hər ikisini geyinmək.

brightness_1 Ağ libas geyinmək.

Abdullah ibn Abbasdan (Allah ondan razı olsun) rəvayət edilir ki, Peyğəmbər

(salləllahu aleyhi və səlləm) buyurmuşdur: “Ağ libaslarınızı geyinin, çünki o, sizin ən xeyirli libasınızdır. Həmçinin ölülərinizi də onda dəfn edin” (Əhməd: 2219; Əbu Davud: 3878; ət-Tirmizi: 994; əl-Albani hədisi ‘‘səhih’’ hesab etmişdir: «Sahihul-Cami», 1/267).

Şeyximiz İbn Useymin (Allah ona rəhmət etsin) söyləmişdir: ‘‘Ağ libas geyinməyin əfzəlliyi bütün növ paltarlara: köynək, üst və alt geyimlərə və s. aiddir. Həmçinin, qadınlara xas olan rənglərdən başqa müxtəlif rənglərdə paltarlar geyinmək də icazəlidir’’ (Bax: «Şərhu Riyadus-Salihin», 2/108).