brightness_1 Nafilar da akan yi kafin sallar Safe, ita ce Sunna ta farko wadda ake musulmi kan raya kullum

Nafilar da akan yi kafin sallar Safe, ita ce Sunna ta farko wadda ake musulmi kan raya kullum, tana kuma da Sunnoni da dama a tatter da ita. Kafin mu shiga gadan-gadan a cikin bayanin wannan salla ta nafila, ya zama wajibi mu yi wa hakan shimfixa da bayyana waxansu abubuwa da suka shafi irin waxannan salloli na nafila da akan yi kafi da bayan sallolin farilla. Idan aka ce ‘sunanur-rawátib’ a Larabce, to, ana nufin waxannan salloli na nafila, waxanda ake yi koda yaushe, tare da salloli na farilla, waxanda kuma raka’a goma sha biyu ne.

Hujja a kan waxannan Sunnoni ita ce, Hadisin Ummu Habiba raliyallahu anha, inda tace: “Na ji Manzon Allah sallallahu alaihi wa sallam yana cewa: “Duk wanda ya sallaci raka’a goma sha biyu tsakanin yini da dare, za a gina masa, a sanadiyyarsu, gida a cikin Aljanna.” (Muslimu:728). Tirmizi kuma ya fitar da Hadisin, ya kuma qara da cewa: “..raka’a huxu kafin sallar Azahar, biyu bayanta, biyu bayan Magariba, biyu bayan Isha’i, da biyu kafin Asubah.” (Tirmizi:415), ya kuma ce: Hadisi ne kyakkyawa kuma ingantacce.”

brightness_1 Shari’a ta xora wa musulmi nauyin yin wannan salla ta nafila a lokacin da yake cikin halin tafiya da na zaman gida

Raka’o’in kafin sallar safe suna tattare da abubuwa masu yawa:

Lokacinta:  Shari’a ta xora wa musulmi nauyin yin wannan salla ta nafila a lokacin da yake cikin halin tafiya da na zaman gida. Savanin sauran nafilfilin na Sunna, kamar na sallar azahar, da Magariba, da Isha’i. Su kam waxannan, Sunna cewa ta yi, kada a yi su a lokacin da ake cikin halin tafiya. 

brightness_1 Abin da aka fi so a Sunna, shi ne idan za a yi wannan nafila ta kafin sallar Asubah, bayan an qare karantun Fatiha a cikin raka’a ta farko, to, a karanta: {Qul ya ayyuhal-káfiruna}, a cikin ta biyu kuma: {Qul Huwalláhu Ahad}

Raka’o’in kafin sallar safe suna tattare da abubuwa masu yawa:

Karatunta:  Abin da aka fi so a Sunna, shi ne idan za a yi wannan nafila ta kafin sallar Asubah, bayan an qare karantun Fatiha a cikin raka’a ta farko, to, a karanta: {Qul ya ayyuhal-káfiruna},  a cikin ta biyu kuma: {Qul Huwalláhu Ahad}. Hujja a kan wannan Sunna kuwa ita ce, Hadisin Abu Hurairata raliyallahu anhu na wajjen Imamu Muslimu. Ko kuma bayan Fatiha xin nan, a cikin raka’ar farko xin, ya karanta: {Qúlú ámanná billáhi, wa má unzila ilainá, wa má unzila ilá Ibráhima, wa Ismá’ila, wa Ya’aqúba, wal’asbáxi, wa má útiya Musa wa Isah, wa má útiyan-nabíyúna min Rabbihim. Lá nufarriqu baina ahadin minhum, wa nahnu lahú muslimúna.” [Taubah:136].

A cikin raka’a ta biyu kuma ya karanta: {Qul ya ahlal-kitábi ta’álau ilá kalimatin sawá’in bainaná wa bainakum, allá na’abuda illalláh, wa lá nushrika bihí shai’an, wa lá yattakhiz ba’adhaná ba’adhan arbában min dúnilláh. Fa in tawallau faqúlush-hadú bi’anná muslimún.} [Áli-imran:52]. Hujja a kan wannan Sunna kuwa ita ce, Hadisin xan Abbas raliyallahu anhu, a wajen Imamu Muslimu. Wannan Sunna tana daga cikin Sunnonin da suka tuzgo a cikin sigogi daban-daban a kuma lokuta daban-daban.