brightness_1 Prej sunetit është zgjatja e rekatit të parë të namazit të drekës

Bazohet në hadithin e Ebu Said el-Khudriut (Allahu qoftë i kënaqur me të!), i cili ka thënë: “Ndërkohë që thirrej  ikameti për fillimin e namazit të drekës, dikush kishte mundësi të shkonte në Bakia (vend pranë Xhamisë së Profetit) dhe të kryente nevojat personale, pastaj të merrte abdes dhe të kthehej, ndërkaq i Dërguari i Allahut (Paqja e Allahut qoftë mbi të!) ishte (ende) në rekatin e parë, ngase e zgjaste atë.” (Transmeton Muslim nr. 454)

Bazuar në këtë, për imamin është e pëlqyer që ta zgjasë rekatin e parë të namazit të drekës. Gjithashtu është e pëlqyer që të veprojnë kështu gratë dhe ata që e falin drekën individualisht (të vetmuar). Ky sunet është harruar, njerëzit e kanë nënvlerësuar. E lusim Allahun e Lartësuar të na bëjë zbatues të përpiktë të sunetit (Traditës Profetike).

brightness_1 Vonimi i namazit te drekës derisa të bjere vapa është prej synetit

Argumet për këtë është:

Hadithi i Ebu Hurejrës (Allahu qoftë i kënaqur me të!), i cili rrëfen se i Dërguari i Allahut (Paqja e Allahut qoftë mbi të!) ka thënë: “Nëse vapa bëhet e fortë, vonojeni namazin sa të freskohet moti, pasi vapa e madhe është prej gëlimit të Xhehenemit.” Gëlimi i Xhehenemit është: vlimi i tij, krahas shpërndarjen së flakës përvëluese së zjarrit të tij. (Transmeton Bukhariu nr. 533, 534 dhe Muslimi  nr. 615

Dijetari ynë Ibn Uthejmini (Allahu e mëshiroftë!) ka thënë: “Nëse dielli në ditët e verës e arrin zenitin në orën dymbëdhjetë dhe se ikindia (pasditja) është afërsisht në orën katër e gjysmë, vonimi sa të freskohet moti është afërsisht në orën katër.” (Shih: “El-Mumtia” vëll. 2, fq. 104)

Mendimi i saktë është se vonimi (i drekës) sa të freskohet moti, është i përgjithshëm, si për atë që falet pas imamit, ashtu edhe për atë që falet vetëm. Ky është edhe mendimi i zgjedhur i dijetarit tonë Ibn Uthejminit (Allahu e mëshiroftë!). Prandaj, këtu hyjnë edhe gratë, pra për to është sunet që kur të bëjë vapë e madhe, ta vonojnë drekën derisa të freskohet, bazuar në kuptimin e përgjithshëm të hadithit të Ebu Hurejrës (Allahu qoftë i kënaqur me të!).