यसको प्रमाण : अबू-बर्जह अल्-अस्लमी (रदियल्लाहु अन्हु) को हदीसमा छ : रसूल (सल्लल्लाहु अलैहि वसल्लम) ईशा सलाह भन्दा पहिला सुत्नु र ईशा सलाहपछि अबेरसम्म कुराकानी गर्दै बस्नु मकरूह (अप्रिय) ठान्नु हुन्थ्यो ।” (बुखारी : ५९९), (मुस्लिम : ६४७)
कारण : रातमा अबेरसम्म कुराकानी गर्दै बस्नले उसको फज्रको सलाह वा तहज्जुद छुट्ने सम्भावना हुने हुदा ईशा सलाह भन्दा पहिला सुत्नु मनाही गरिएको छ । (वल्लाहो आलमो बिस्स्वाब)
यसको प्रमाण :
आइशा (रदियल्लाहु अन्हा) को हदीसमा छ, “रसूल (सल्लल्लाहु अलैहि वसल्लम) ले एक रात ईशामा सलाह धेरै ढिलो गर्नु भएको थियो, यहाँसम्म कि रातका धेरै हिस्सा बितिसकेको थियो र प्रायः मानिसहरू पनि सुतिसकेका थिए । त्यसपछि उहाँ आउनुभयो र ईशाको सलाह पढाउनु भयो र भन्नुभयो : ‘यो नै ईशा सलाहको उत्कृष्ट समय हो । मेरो उम्मतको लागि दु:ख र समस्या नहुने भएको भए, म यसै समयमा ईशा सलाह पढ्न आदेश दिन्थे ।” (मुस्लिम : ६३८)
त्यसैगरी घरमै सलाह पढ्ने महिला वा यात्रामा रहेको यात्रीको जमातसँग कुनै सम्बन्ध छैन भने उनीहरूले ढिलोगरी ईशाको सलाह पढ्नु अफजल हो ।
