வுழூவுடன் இருக்கும் நிலையில் துஆ-பிரார்த் தனை-செய்தல்.
அபூ மூஸா (ரலியல்லாஹு அன்ஹு) அவர்கள் அறிவிக்கின்ற ஹதீஸ் புகாரி,முஸிலிமில் பதிவாகி யுள்ளது.அவரது மாமனார் அபீ ஆமிர் ரலியல்லாஹு அன்ஹு அவர்கள் நபி (ஸல்லல்லாஹு அலைஹி வஸல்லம்) அவர்கள்,அபூ ஆமிர் அவர்களை (தளபதியாக்கி) 'அவ்தாஸ்' பள்ளத்தாக்கிற்கு ஒரு படையை அனுப்பிய சம்பவ்வத்தில் வந்துள்ள ஹதீஸ் தொடரில்.இதில் அபூ ஆமிர் ரலியல்லாஹு அன்ஹு அவர்கள் (வீர) மரணமடைந்தார்கள்.பிறகு அவர்கள் அபூமூஸா ரலியல்லாஹு அன்ஹு அவர்களுக்கு வஸிய்யத் செய்தார்கள்.அதில் நபிகளார் ஸல்லல் லாஹு அலைஹி வஸல்லம் அவர்களுக்கு விருந்தளிக்கும் படியும், அவர்களுக்காக அல்லாஹ் விடத்தில் பிராத்திக்கும் படியும். ஆகவே அபூ மூஸா ரலியல்லாஹு அன்ஹு அவர்கள் கூறுகின்றார்கள்.(அங்கிருந்து) நான் திரும்பி,நபி (ஸல்லல்லாஹு அலைஹி வஸல்லம்) அவர்களிடம் வந்து அவர்க ளிடம் எங்கள் செய்தியையும்,அபூ ஆமிர் அவர்களின் செய்தி யையும் கூறி,தமக்காகப் பாவமன்னிப்புக் கேட்கும்படி ஆமிர் அவர்கள் வேண்டியிருக்கிறார்கள் என்பது பற்றியும் கூறினேன். அப்போது நபி (ஸல்லல்லாஹு அலைஹி வஸல்லம்) அவர்கள் தண்ணீர் கொண்டு வரும்படிக் கூறி,அதில் உளூச் செய்தார்கள்.பிறகு தம் இரண்டு கரங்களையும் உயர்த்தி, 'இறைவா! அபூ ஆமிர் உபைதுக்கு நீ மன்னிப்பு அளிப் பாயாக! மறுமை நாளில் உன் படைப்பினமான மனிதர்களில் பலரையும் விட (அந்தஸ்தில்) உயர்ந்தவராக அவரை ஆக்கு வாயாக!' என்று பிரார்த்தித்தார்கள்.அப்போது அவர்களின் அக்குள்கள் இரண்டின் வெண்மையையும் பார்த்தேன்.(நூல்,புகாரி,எண்:4323,நூல்,முஸ்லிம்,எண்: 2498)
கிப்லாவின் திசையை முன்னோக்கல்
உமர் பின் அல்கத்தாப் (ரலியல்லாஹு அன்ஹுமா) அவர்கள் கூறியதாவது:அல்லாஹ்வின் தூதர் (ஸல்லல் லாஹு அலைஹி வஸல்லம்) அவர்கள்,பத்ருப் போர் நாளில் (எதிரிகளான) இணை வைப்பாளர்கள் (எண்ணிக்கை) ஆயிரம் பேராக இருப்பதையும்,(முஸ்லிம்களான) தம் தோழர்கள் முன்னூற்று பத்தொன்பது பேராக இருப்பதையும் கண்டார்கள். அப்போது அல்லாஹ்வின் தூதர் (ஸல்லல்லாஹு அலைஹி வஸல்லம்) அவர்கள்,(தொழுகையின் திசையான) "கிப்லா" வை முன்னோக்கித் தம் கரங்களை நீட்டித் தம் இறைவனை உரத்த குரலில் (அழைத்துப்) பிராத்தித்தார்கள்."இறைவா! எனக்கு நீ அளித்த வாக்குறுதியை நிறை வேற்றுவாயாக. இறைவா! எனக்கு அளித்த வாக்குறுதியை வழங்குவாயாக. இறைவா! இஸ்லாமியரில் இக்குழுவினரை நீ அழித்து விட்டால்,இந்தப் பூமியில் உன்னை (மட்டுமே) வழிபட (இனி) யாரும் இருக்க மாட்டார்கள்" என்று தம் கரங்களை நீட்டி, கிப்லாவை முன்னோக்கி இறைவனிடம் பிரார்த்தித்துக் கொண்டே யிருந்தார்கள்.எந்த அளவுக்கென்றால்,(கைகளை உயர்த் தியதால்) அவர்களுடைய தோள்களிலிருந்து அவர்க ளின் மேல்துண்டு நழுவி கீழே விழுந்து விட்டது. அப்போது அவர்களிடம் அபூபக்ர் (ரலியல்லாஹு அன்ஹு) அவர்கள் வந்து,அத்துண்டை எடுத்து அவர்களின் தோள்கள் மீது போட்டுவிட்டு, பின்னாலிருந்து அவர்களைக் கட்டியணைத்துக் கொண்டு,"அல்லாஹ்வின் தூதரே! உங்கள் இறைவ னிடம் வேண்டியது போதும்.அவன் உங்களுக்கு அளித்த வாக்கு றுதியை நிச்சயம் நிறைவேற்றுவான்" என கூறினார்கள். (நூல்,முஸ்லிம்,எண்:1763)
இரு கைகளையும் மேல் உயர்த்தல்
இதற்கான சான்றாக முன்னர் குறிப்பிடப்பட்ட இப்னு அப்பாஸ் ரலியல்லாஹு அன்ஹு அவர்களின் ஹதீஸ் சான்றாக இருக்கிறது."அதில் அவர்கள் கிப்லாவை முன் னோக்கி கையை உயர்த்தினார்கள்" என வந்துள்ளது.இந்த ஸுன்னத்துக்கான ஹதீஸ்கள் இவல்வாறே பலவும் வந்துள்ளன.
பிரார்த்த னையின் ஆரம்பத்தில் அல்லாஹ்வை துதித்தும், புகழ்ந்தும் பின்னர் நபிகளார் மீது ஸலவாத்து சொல்லியும் ஆரம்பித்தல்
ஃபுலாலத்பின் உபைத் ரலியல்லாஹு அன்ஹு அவர்கள் வாயிலாக திர்மிதியில் இடம் பெற்றுள்ள ஹதீஸில் அதில் அவர்கள் அறிவிக்கின்றார்கள்."நாம் நின்று கொண்டிருக்கும் போது ஒரு மனிதர் வந்து இறைவா என்னை மன்னித்தருள் வாயாக..!எனக்கு கருணை காட்டுவாயாக...என வேண்டினார். அப்போது அல்லாஹ்வின் தூதர் அவர்கள் தொழுதவரே நீர் அவசரப்பட்டு விட்டீர்கள்,நீர் தொழுது அமர்ந்து புகழுக்குரிய அல்லாஹ்வை புகழ்ந்து,பின்னர் என் மீது ஸலாம் கூறிய பின்னர் அதை கேட்டிருக்கலாம்" என கூறினார்கள்.(நூல், அத்திர்மிதி,எண்:3476),(இதை இமாம் அல் பானியவர்கள் ஸஹீஹ் என குறிப்பிட்டுள் ளார்கள். (1/172)
அல்லாஹ்வின் அழகிய திரு நாமங்களை கொண்டு பிரார்த்தனை செய்தல்
ஒருவர் பிராரத்தனையின் போது அந்த பிரா்ரத் தனையின் உள்ளடக்கத்துக்கு ஏற்றவாறு பொருத்தமான அல்லாஹ்வின் திரு நாமங்களை தெரிவு செய்து கொள்வார்.எனவே அபிவிருத்தி விஸ்திரனம் தொடர்பாக கேட்கும் போது "அர்ரஸ்ஸாக்",எனவும் கருணையை கருத்தில் கொள்ளும் போது "யா ரஹ்மான்" எனவும் கண்ணியத்தின் போது "யா இஸ்ஸு"எனவும் பாவமீட்சியின் போது "யா கஃபூர்" எனவும் நோய் நிவாரனத்தின் போது "யா ஷாஃபீ" எனவும் தெரிவு செய்து கொள்வார்.
இவ்வாறே அவரது பிரார்த்தனையின் போது பொறுத்த மானவற்றை தெரிவு செய்து கொள்வார்.இதை அல்லாஹ் குறிப்பிடும் போது."அல்லாஹ்வுக்கு அழகிய திருநாமங்கள் இருக்கின்றன;அவற்றைக் கொண்டே நீங்கள் அவனைப் பிரார்த்தியுங்கள்"(அல் அஃராப்:180)
பிரார்த்தனையை திரும்பத்திரும்ப கேட்டலும் அதில் இரைஞ்சலும்.
இதை இப்னு அப்பாஸ் ரலியல்லாஹு அன்ஹுமா அவர்கள் வாயிலான முன்னர் குறிப்பிடப்பட்ட ஹதீஸில் நபி ஸல்லல்லாஹு அலைஹி வஸல்லம் அவர்கள் கூறினார்கள். "இறைவா! எனக்கு நீ அளித்த வாக்குறுதியை நிறைவேற்று வாயாக.இறைவா! எனக்கு அளித்த வாக்குறுதியை வழங்கு வாயாக." என இறைவனிடம் பிரார்த்தித்துக் கொண்டேயிருந் தார்கள். எந்த அளவுக்கென்றால்,(கைகளை உயர்த்தியதால்) அவர்களுடைய தோள்களிலிருந்து அவர்களின் மேல் துண்டு நழுவி கீழே விழுந்து விட்டது.அப்போது அவர்களிடம் அபூ பக்ர் (ரலியல்லாஹு அன்ஹு) அவர்கள் வந்து,அத்துண்டை எடுத்து அவர்களின் தோள்கள் மீது போட்டு விட்டு, "அல்லாஹ்வின் தூதரே! உங்கள் இறைவனிடம் வேண்டியது போதும்.அவன் உங்களுக்கு அளித்த வாக்குறுதியை நிச்சயம் நிறை வேற்றுவான்" என்று கூறினார்கள்.(நூல்,முஸ்லிம்,எண்: 1763)
அபூ ஹுரைரா(ரலியல்லாஹு அன்ஹு)அவர்கள் வாயிலாக புகாரி,முஸ்லிமில் அல்லாஹ்வின் தூதர் அவர்கள் தவ்ஸ் கூட்டத்தாருக்காக பிரார்த்தனை செய்யும் போது அவர்கள் 'இறைவா! தவ்ஸ் குலத்தாரை நேர்வழியில் செலுத்துவாயாக! அவர்களை (இஸ்லாத் திற்குக்) கொண்டு வருவாயாக!' என பிரார்த்தித்தார்கள்".(நூல்,புகாரிஎண்:2937,முஸ்லிம்,எண்:2524)
அவ்வாறே அபூஹுரைரா (ரலியல்லாஹு அன்ஹு) அவர்கள் வாயிலாக முஸ்லிமில் ஒரு நீண்ட பயணத்தை மேற்கொள்ளும் மனிதர் பற்றி வரக்கூடிய ஹதீஸில் "அவர் தலைவிரி கோலத்துடனும் புழுதி படிந்த நிலையிலும் நீண்ட பயணம் மேற்கொள்கிறார். அவர் தம் கரங்களை வானை நோக்கி உயர்த்தி "என் இறைவா,என் இறைவா" என பிரார்த்திக்கிறார்.(நூல்,முஸ்லிம்,எண்:1015).இதுவும் பிரார்த்தனையின் போதான திரும்பத்திரும்ப கேட்டல் ஆகும்.
புகாரி,முஸ்லிமில் இப்னு மஸ்ஊத் ரலியல்லாஹு அன்ஹு அவர்கள் வாயிலாக வரக்கூடிய ஹதீஸின் பிரகாரம் மூன்று முறை பிரார்த்தனை செய்வது ஸுன்னத்து ஆகும்.அதில் அவர்கள் குறிப்பிடுகின் றார்கள்.-அல்லாஹ்விடத்தில் துஆக் கேட்டால்,மூன்று தடவைகள் கேட்பார்கள். பின்னர் அவர்கள் "குறைஷியர் களுக்கு எதிராக அல்லாஹ்விடத்தில் மூன்று முறை பிராத்தனை செய்தார்கள்."(நூல்,புகாரி,எண்:240, முஸ்லிம், எண்:1794)
துஆவை இரகசியமாக மறைத்து செய்தல்.
அல்லாஹ் குர்ஆனில் "எனவே உங்கள் இறைவனிடம் பணிவாகவும் அந்தரங்கமாகவும் பிரார்த்தனை செய்யுங்கள்"(அல்அராஃப்,எண்:55).என குறிப்பிடுகிறான். ஆகவே துஆவை அந்தரங்கமாக அமைத்து கொள்வது உளத்தூய்மைக்கு ஏதுவாக அமையும்.ஆகவே தான் அல்லாஹ் ஸகரிய்யா அலைஹிஸ்ஸலாம் அவர்களை "அவர் தம் இறைவனை தாழ்ந்த குரலில் பிரார்த்தித்த போது"-(மர்யம்:3) என கூறி இவ்வாறு இவரை புகழ்துரைத்துள்ளான்.சில தஃபிஸீர் குர்ஆன் தொடர்பான விளக்க அறிஞர்களில் சிலரின் கருத்தின் படி அது உளத்தூய்மையின் காரணிக்காக என சொல்லப் படுகிறது.
எதை நான் கூற வேண்டும் என சிலர் கேட்கலாம்....?
குறிப்பு:எனது பிரார்த்தனையின் போது எதை நான் கூற வேண்டும் என சிலர் கேட்கலாம்....?
இதற்கான பதில் நீர் விரும்பிய இவ்வுலக மறுவுலக தேவை களை கேட்கலாம்.எனினும் குறுகிய வார்த்தையில் பல அர்த் தங்களை கொண்டமைந்த அல் குர்ஆன்,அல் ஹதீஸில் இடம் பெற்றுள்ளவைகளில் அதிக அக்கறையும் கவனத்தை யும் செலுத்துங்கள்.ஏனெனில் அவற்றில் இவ்வுலக மறுவுலக நன்மைகள் அனைத்தும் பொதிந்துள்ளன.இவ்வாறு வினா எழுப்பும் போது நபிகளார் ஸல்லல்லாஹு அலைஹி வஸல்லம் அவர்களின் பதில்களையும் கூற்றுக்களையும் உற்று நோக்குங்கள் அவை ஒரு முஸிலிமின் இவ்வுலக மறுவுலக அனைத்து நன்மைகளையும் கொண்டமைந்துள்ளன.அவர்கள் எமக்கு வழங்கிய சுப செய்திகள் மகத்தானவை,அவர்களின் கொடையும் அளப்பரியது,ஆகவே இவற்றையும் ஆழ் சிந்தனையுடனும் கடைப்பிடித்து பின்பற்றுங்கள்.
மாலிக பின் அல் அஷ்ஜஈ (ரலியல்லாஹு அன்ஹு) அவர்கள் கூறியதாவது:நபி (ஸல்லல்லாஹு அலைஹி வஸ்லம்) அவர்களிடம் ஒரு மனிதர் வந்து,"அல்லாஹ்வின் தூதரே! நான் இறைவனிடம் பிரார்த்திக்கும்போது என்ன சொல்ல வேண்டும்?" என்று கேட்டார். நபி (ஸல்லல்லாஹு அலைஹி வஸல்லம்) அவர்கள்,"அல்லாஹும்மஃக்ஃபிர்லீ வர்ஹம்னீ வ ஆஃபினீ வர்ஸுக்னீ" என்று சொல்வீராக" என்றார்கள்.இதைக் கூறிய போது, தமது பெருவிரலைத் தவிர மற்ற விரல்களை ஒவ்வொன்றாக மடக்கிக்கொண்டு,"இவை உம்முடைய இம்மை மறுமை அனைத்தையும் உள்ளடக்கிக் கொள்ளக்கூடியவை" என்று சொன்னார்கள்.(நூல்,முஸ்லிம், எண்:2697)
பிரிதொரு அறிவிப்பில் ஒருவர் புதிதாக இஸ்லாத்தைத் தழுவி னால்,அவருக்கு நபி (ஸல்லல்லாஹு அலைஹி வஸல்லம்) அவர்கள் தொழுகையைக் கற்றுக் கொடுப்பார்கள்.பிறகு "அல்லாஹும்மஃக்பிர் லீ வர்ஹம்னீ வஹ்தினீ வ ஆஃபினீ வர்ஸுக்னீ" எனும் இந்த வாக்கியங்களைச் சொல்லிப் பிரார்த் திக்கும்படி கட்டளையிடுவார்கள்.(நூல்,முஸ்லிம்,எண்:2697).
தனது சகோதரனுக்கு மறைவாக பிரார்த்தனை செய்வதும் ஸுன்னத்தாகும்.
மற்றுமொரு குறிப்பு:தனது சகோதரனுக்கு மறைவாக பிரார்த்தனை செய்வதும் ஸுன்னத்தாகும்.அல்லாஹ்வின் நாட்டப்படி அது ஏற்றுக் கொள்ளப்பட கூடியது.இவ்வாறு பிரார்த்திப்பவருக்கு பல சிறப்புக்களும் உள்ளன.அதில் அபீ தர்தா ரலியல்ஹு அன்ஹு வாயிலாக முஸ்லிமில் இடம் பெற்றுள்ள ஹதீஸில்."அதில் ஒரு முஸ்லிமான மனிதர்,தம் சகோதரருக்காக மறைவில் செய்யும் துஆ ஒப்புக் கொள்ளப்பட்டதாகும்.துஆச் செய்யும் அம்மனித ரின் சிரசின்(தலை) அருகில் ஒரு மலக்கு நியமனம் செய்யப்பட்டிருப்பார்.அவர் தம் சகோதரருக்கு நலவான தைக் கேட்டு துஆச் செய்யும் போதெல்லாம் அம்மலக்கு ஆமீன் உமக்கும் அதுபோன்ற நலவானது உண்டு என்று கூறுவார்.(முஸ்லிம்,எண்:2733)