brightness_1 பாதனி அணியும் போது வலதை முற்படுத்துவது

ஒருவர் காலணி அணியும் போது முதலில் வலக் காலில் அணிவதும் கழற்றும் போது முதலில் இடக்காலில் இருந்து கழற்றுவதும் விரும்பத் தக்கதாகும்.

இதை பின்வரும் அபூ ஹுரைரா ரலியல்லாஹு அன்ஹு அவர்களின் ஹதீஸ் தெளிவுபடுத்துகிறது. இதில் அல்லாஹ்வின் தூதர் (ஸல்லல்லாஹு அலைஹி வஸல்லம்) அவர்கள் கூறினார்கள்: "உங்களில் ஒருவர் காலணி அணியும் போது முதலில் வலக் காலில் அணியட்டும்.அதைக் கழற்றும் போது முதலில் இடக் காலில் இருந்து கழற்றட்டும்.வலது முதலில் அணியப்படக்கூடியதாகவும்,இறுதியாக கழற்றப்பட கூடிய தாகவும் இருக்கட்டும்.(நூல்,புகாரி, எண்:5857).

முஸ்லிமில் வரக்கூடிய மற்றுமொரு அறிவிப்பில் பின்வருமாறு அல்லாஹ்வின் தூதர் (ஸல்லல்லாஹு அலைஹி வஸல்லம்) அவர்கள் கூறினார்கள்: "உங்களில் ஒருவர் ஒரேயொரு காலணியில் நடக்க வேண்டாம்.ஒன்று,இரு காலணிகளையும் ஒருசேர அவர் அணிந்துகொள்ளட்டும்.அல்லது இரண்டையும் ஒருசேர கழற்றிவிடட்டும்.இதை அபூஹுரைரா (ரலியல் லாஹு அன்ஹு) அவர்கள் அறிவிக்கிறார்கள். (முஸ்லிம்: 2097)

இவ்விரு ஹதீஸிலும் மூன்று ஸுன்னத்துக்கள் உள்ளன. அவையாவன:

1-பாதனி அணியும் போது வலதை முற்படுத்தல்.

2-பாதனியை கழற்றும் போது இடதை முற்படுத்தல்.

3-ஒரு பாதனியுடன் பயனிக்காது இருக்கும் பொருட்டு பாதனி அணிந்தால் இரண்டையும் அணிதல், கழற்றினால் இரண் டையும் ஒரு சேர கழற்றி விடல்.

brightness_1 வெண்ணிற ஆடைகள் அணிவது

அதாவது இதனால் நாடப்படுவது வெண்ணிற ஆடைகளையும் இதை ஒத்த ஆடைகளையும் அணிவதாகும்.இப்னு அப்பாஸ் ரலியல்லாஹு அன்ஹு அவர்கள் அறிவிக்கும் ஹதீஸின் படி   இவ்வாறு அணிவது ஸுன்னத்தாகும்.அந்த ஹதீஸில் நபிகளார் ஸல்லல்லாஹு அலைஹி வஸல்லம் அவர்கள் குறிப்பிடும் போது "நீங்கள் வெண்ணிற ஆடைகளை அணியுங்கள்,மேலும் உங்களில் மரணித்த வர்களுக்கும் வெண்ணிற ஆடையை கொண்டு கபனிடுங்கள்.இதுவே உங்களின் ஆடைகளில் மிகச் சிறந்த ஆடையாகும்"(நூல் அஹ்மத்,எண்:2219,அபூ தாவுத், எண்: 3878,அத்திர்மிதீ,எண்: 994).(இமாம் அல் பானி அவர்கள் இதை ஸஹீஹ் என அவர்களது ஸஹீஹ் அல் ஜாமிஃ இல் குறிப் பிட்டுள்ளார் கள்.1/267). 

ஆசிரியர் ஷைக் பின் உஸைமீன் ரஹ்மதுல்லாஹ் அவர்கள் குறிப்பிடும் போது வேட்டி,சட்டை,மேலாடை என அனைத் தையும் இது உள்ளடக்குகிறது.எனவே இவை வெண்ணிறத்தில் இருத்தல் வேண்டும்.அதுவே மிகச் சிறப்பானது.எனினும் வேறு நிறத்தில் ஆடை அணிந்தாலும் அதுவும் குற்றமாக மாட்டாது. இருப்பினும் அவை பெண்களுக்கு என மாத்திரம் குறிப் பானதாக இல்லாது இருத்தல் கட்டாய நிபந்தனையாகும்.-(பார்க்க:இவர்கள துரியாழுஸ்ஸாலிஹீனுக்கான விளக்கவுரை (2/1087).