brightness_1 சிறார்கள் மீது முகமன் -ஸலாம்- கூறல் ஸுன்னத்தாகும்.

அனஸ் பின் மாலிக் (ரலியல்லாஹு அன்ஹு) அவர்கள் கூறியதாவது:அல்லாஹ்வின் தூதர் (ஸல்லல்லாஹு அலைஹி வஸல்லம்) அவர்கள் சிறுவர்களைக் கடந்து சென்ற போது,அவர்களுக்கு முகமன் (சலாம்) கூறினார்கள்.(நூல்,முஸ்லிம்,எண்:6247,முஸ்லிம், எண்: 2168).

இவ்வாறு சிறார்கள் மீது ஸலாம் -முகமன்-கூறுவதால் பணிவு,சிறார்களை இந்த முக்கிய விடயத்துக்கான வழி காட்டுதல்,அவர்களின் உள்ளங்களில் இவ்வழி காட்டலை விதைத்து உயிரோட்டமானதாக மாற்றுவது போனறன இதில் உள்ளடங்கியுள்ளன.

brightness_1 வீட்டினுள் நுழையும் போது ஸலாம்-முகமன்-கூறல் ஸுன்னத்து ஆகும்.

வீட்டிற்குள் நுழையும் போது அதாவது இது மிஸ்வாக் செய்வது முக்கியமாக வலியுறுத்தப்பட்ட நான்காவது சந்தர்பம்.எனவே மிஸ்வாக் செய்தவுடன் பொதுவான ஸலாத்திலும் இது உள்ளடங்கி விடுகிறது.அன்னை ஆயிஷா ரலியல்லாஹு அன்ஹா அவர்கள் அறிவிக்கும் ஹதீஸின் படி அவர்கள் கூறுகிறார். நபிகளார் ஸல்லல்லாஹு அலைஹி வஸல்லம் அவர்கள் வீட்டிற்குள் நுழையும் போது முதலில் மிஸ்வாக் செய்து கொள்வார்கள்.(நூல்,முஸ்லிம்,எண்: 253).இவ்வாறு மிஸ்வாக் செய்த பின்னர் அவர்கள் வீட்டில் உள்ளவர்களுக்கு ஸலாம் கூறிய பின் அதனுள் நுழைவார்கள்.ஆகவே தான் சில மார்க்க அறிஞர்கள் குறிப்பிடும் போது ஒரு வீட்டில் நுழையும் போது அதில் எவரும் இல்லாத போதிலும் கூட ஸலாம் கூறுவது ஸுன்னத்தாகும் என குறிப்பிடுகின்றனர்.ஏனெனில் அல்லாஹ் குறிப்பிடும் போது "ஆனால் நீங்கள் எந்த வீட்டில் பிரவேசித்தாலும் அல்லாஹ்விடமிருந்து உங்களுக்கு கிடைத்திருக்கும் முபாரக்கான பாக்கி யமிக்க பரிசுத்தமான -அஸ்ஸலாமு அலைக்கும் எனும்- நல் வாக்கியத்தை நீங்களும் உங்களுக்குள் கூறிக்கொள்ளுங்கள்.நீங்கள் அறிந்து கொள்ளும் பொருட்டு இவ்வாறு அல்லாஹ் உங்களுக்கு தன் வசனங்களை விவரிக்கின்றான்". (அத்தியாயம்,அந்நூர்: 61).

இமாம் இப்னு ஹஜர் ரஹிமஹுல்லாஹ் அவர்கள் குறிப்பிடும் போது "பொதுவாக ஸலாத்தை பரப்புங்கள் என்பதன் மூலம் எவரும் இல்லாத இடத்தில் கூட தனக்கும் ஸலாம் கூறிக் கொள்வதும் அடங்கி விடுகிறது.ஏனெனில் அல்லாஹ் குறிப்பிடும் போது "ஆனால் நீங்கள் எந்த வீட்டில் பிரவேசித்தாலும் அல்லாஹ்விடமிருந்து உங்களுக்கு கிடைத்திருக்கும் முபாரக்கான பாக்கியமிக்க பரிசுத்தமான -அஸ்ஸலாமு அலைக்கும் எனும்- நல் வாக்கியத்தை நீங்களும் உங்களுக்குள் கூறிக் கொள்ளுங்கள்.என குறிப்பிடு கின்றான்.(இதை பார்க்க,பத்ஹுல்பாரி,ஹதீஸ்,எண்:6235 ஸலாத்தை பரப்புதல் எனும் பாடத்தில்.  

மேலதிகவ தகவலாக-முன் சென்றவைகளை அடிப் படையாக வைத்து பொதுவாக வீட்டினுள் நுழையும் போது மூன்று விடயங்கள் ஸுன்னத்தாகின்றன. அவையாவன.

முதலாவது:-அல்லாஹ்வின்நாமத்தை-பிஸ்மில்லாஹ் - கூறல்.இதிலும் விசேடமாக இரவில்.

நபி (ஸல்லல்லாஹு அலைஹி வஸல்லம்) அவர்கள் கூறினார்கள்:ஒருவர் தமது இல்லத்திற்குள் நுழையும் போதும் உணவு உண்ணும் போதும் அல்லாஹ்வை நினைவு கூர்ந்தால்,ஷைத்தான் (தன் கூட்டத்தாரிடம்), "இன்றைய இரவில் உங்களுக்கு (இங்கே) தங்குமிடமும் இல்லை;உண்ண உணவு மில்லை" என்று கூறுகிறான். மேலும் ஒருவர் இல்லத்திற்குள்நுழையும் போது அல்லாஹ்வை நினைவுகூராது விட்டால் ஷைத்தான் (தன் கூட்டத்தாரிடம்) "இன்றைய இரவில் உங்களுக்குத் தங்குமிடமும் இரவுணவும் கிடைத்து விட்டது" என்று சொல்கிறான்.(நூல்,முஸ்லிம்,எண்:2018).

இரண்டாவது:-முன்னைய அன்னை ஆயிஷா ரலியல் லாஹு அன்ஹா அவர்களின் ஹதீஸின் பிரகாரம் மிஸ்வாக் செய்தல்.

மூன்றாவது:வீட்டார்கள் மீது ஸலாம் -முகமன்-கூறல்.

brightness_1 சபைக்குள் நுழையும் போதும் வெளியேறும் போதும் ஸலாம் கூறல்.

அபூஹுரைரா ரலியல்லாஹு அன்ஹு அவர்கள் அறிவிக்கும் ஹதீஸில் நபிகளார் ஸல்லல்லாஹு அலைஹி வஸல்லம் அவர்கள் கூறினார்கள்"ஒரு ஒரு சபையை முடித்து விட்டால் ஸலாம் கூறி கொள்ளட்டும்,மேலும் ஒரு சபையிலிருந்து எழுந்திட நாடினாலும் ஸலாம் கூறிக்கொள்ளட்டும், ஒருவரை விட மற்றவருக்கு மிக உரிமையானது அல்ல. (நூற்கள்,அஹ்மத்,எண்:9664,அபூதாவுத்,எண்:5208,திர்மிதி, எண்:2706).இதை இமாம் அல்பானி அவர்கள் ஸஹீஹ் என குறிப்பிட்டுள்ளார்கள்.ஸஹீஹ் அல் ஜாமிஃ.(1/132)

brightness_1 சந்திப்பின போது ஸலாம் கூறுவதுடன் -முஸாஃபஹா-கட்டியணைத்து ஆறத்தழுவிக் கொள்ளல் ஸுன்னத்து ஆகும்.

இவ்வாறு தான் நபித்தோழர்கள் செயலாற்றி வந்தார்கள். இதற்கான சான்றாக கதாதா( ரலியல்லாஹு அன்ஹு) அவர்கள் அறிவிக்கின்றார்கள்.நான் அனஸ் (ரலியல் லாஹு அன்ஹு) அவர்களிடம் 'முஸாஃபஹா (கரம் பற்றி வாழ்த்துத் தெரிவிக்கும் வழக்கம்) நபித் தோழர்களிடையே இருந்ததா?' என்று கேட்டேன்.அதற்கு அவர்கள், 'ஆம் (இருந்தது)' என்றார்கள்.(நூல்,புகாரி, எண: 6263).

brightness_1 சபையில் அல்லாஹ்வை நினைவு கூறல் ஸுன்னத்து ஆகும்.

சபைகளில் அல்லாஹ்வை நினைவு கூறலை தூண்டியும் அதன் சிறப்புகள் பற்றியும் அதிகமான ஹதீஸ்கள் வந்துள்ளன.அவற்றுள் அபூ ஹுரைரா ரலியல்லாஹு அன்ஹு அவர்கள் அறிவிக்கும் ஒரு ஹதீஸ்.அதில் நபிகளார் ஸல்லல்லாஹு அலைஹி வஸல்லம் அவர்கள் கூறினார்கள்.:வளமும் உயர்வும் மிக்க அல்லாஹ்விடம் வானவர்கள் சிலர் உள்ளனர்.அவர்கள் பூமியில் சுற்றிவரு கின்றனர். அல்லாஹ்வை நினைவு கூர்ந்து போற்றும் சபைக ளைத் தேடி வருகின்றனர்.அல்லாஹ்வைப் போற்றும் சபை ஒன்றை அவர்கள் கண்டால், அவர்களுடன் அவ்வானவர்களும் அமர்ந்து கொள்கின்றனர்.அவர்களில் சிலர் வேறு சிலரைத் தம் இறக்கைகளால் சூழ்ந்து,தமக்கும் முதல் வானத் துக்கும் இடையிலான பகுதியை நிரப்புகின்றனர்.(இறைவனை நினைவுகூரும்) அம்மக்கள் கலைந்து சென்றதும் அ(ந்த வான)வர்கள் வானுலகிற்கு ஏறிச் செல்கின்றனர்..(நூல்,புகாரி,எண்:6408,முஸ்லிம்,எண்: 689)

brightness_1 சபையை முடிக்கும் போது துஆவை கொண்டு முடித்தல் ஸுன்னத்தாகும்.

அபூ ஹுரைராரலியல்லாஹு அன்ஹு அவர்கள் அறிவிக்கின்றார்கள் ரஸூலுல்லாஹி ஸல்லல்லாஹு அலைஹி வஸல்லம் அவர்கள் கூறினார்கள்."எவர் ஒருவர் சபையில் அமர்ந்து தவறுகள் அதிகரித்து விட்டனவோ அவர் அந்த சபை முடிவில் எழும்புவதற்கு முன்னர் ஸுபஹானகல் லாஹும்ம வபிஹம்திக,அஷ்ஹது அல்லாஇலாஹ இல்லா அன்த,அஸ்தக் ஃபிருக வஅதூபு இலைக.என கூறினால் அவருக்கு அந்த சபையில் ஏற்பட்ட அனைத்து தவறுகளும் மன்னிக்கப்பட்டு விடும்.(நூல்,அத்திர்மிதி,எண்:3433,இமாம் அல்பானி அவர்கள் இந்த ஹதீஸை ஸஹீஹ் என குறிப் பிட்டுள்ளார்கள்.(ஸஹீஹ் அல் ஜாமிஃ 2/1065).