brightness_1 வாய் கொப்பளித்தல்,நாசிக்கு தண்ணீர் செலுத்தல் ஆகியவைகளை கொண்டு ஆரம்பித்தல்.

'உஸ்மான் இப்னு அஃப்பான் (ரலியல்லாஹு அன்ஹு) அவர்களின் ஹதீஸின் பிரகாரம் அவர்கள் நபிகளாரின் வுழூவை வர்ணிக்கும் போது அதில் அவர்கள்..... வாய்க் கொப்பளித்து,மூக்கிற்குத் தண்ணீர் செலுத்தித் சீந்தினார்கள். பின்னர் தம் முகத்தை மூன்று முறை கழுவினார்கள்.(நூல், புகாரி,எண்:199,நூல் முஸ்லிம்.எண்: 226).மேலும் வாய்கொப் பளித்தலையும்,நாசிக்கு நீர் செலுத்துவதையும் முகத்தை கழுவியதன் பின்னர் செய்தாலும் பரவாயில்லை அதுவும் ஆகுமான செயலாகும்.

brightness_1 நோன்பாளியல்லாதவர் வாய்கொப்பளித்தல்,நாசிக்கு தண்ணீர் செலுத்தல் ஆகியவற்றை பரிபூரணமாக அதிகப் படியான தண்ணீரை கொண்டு செய்தல்.

லகீத் பின் ஸபுரா ரலியல்லாஹு அன்ஹு அவர்கள் அறிவிக்கும் ஹதீஸில் அவர்கள் குறிப்பிடுகின்றார்கள், நபிகளார் ஸல்லல்லாஹு அலைஹி வஸல்லம் அவர்கள் கூறினார்கள்."நீ வுழூவை பரிபூரணமாக செய்வீராக,விரல்களை குடைந்து கழுவிக் கொள்வீராக,மேலும் நீர் நோன்பாளியல்லாத  போது நாசிக்கு நீர் செலுத்தும் போதும்,வாய் கொப்பளிக்கும் போதும் அதிகப் படியான தண்ணீர் கொண்டு செய்வீராக.(நூல்,அஹ்மத்,எண்:17847,அபூ தாவுத், எண்:142,இவ்வதீஸ் பற்றி இப்னு ஹஜர் அவர்கள் குறிப்பிடும் போது இது ஒரு ஸஹீஹான ஹதீஸ் ஆகும் என்கிறார்.நூல் அல் இஸாபா (9/15).மேலும் நாசிக்கு நீர் செலுத்தும் போதும்,வாய் கொப்பளிக்கும் போதும் அதிகப் படியான தண்ணீர் கொண்டு செய்வீராக.என்பது பரிபூரணமாக  வுழூஃ செய்வீராக என்பதன் மூலமான சொற்றொடரின் மூலமாக பெறப்பட்டது ஆகும்). 

brightness_1 உறுப்புக்களை கழுவும் போது மும்மூன்று தடவைகள் கழுவுதல்.

முதற்தடவை கழுவுவது கட்டாயம் (வாஜிப்)ஆகும்.இரண்டாம் மூன்றாம் தடவைகள் கழுவுவது ஸுன்னத்தாகும்.மேலும் மூன்று தடவைகளுக்கு மேல் கழுவப்படவும் மாட்டாது.

இதை தெளிவுபடுத்தும் சான்றாக  புகாரியில் இப்னு அப்பாஸ் ரலியல்லாஹு அன்ஹு அவர்கள் வாயிலான ஒரு ஹதீஸில்  நபிகளார் (ஸல்லல்லாஹு அலைஹி வஸல்லம்) அவர்கள் வுழூஃ செய்யும் போது ஒவ்வொரு தடவை - உறுப்புக்களை-கழுவினார்கள்.(புகாரி,எண்:157),மேலும் புகாரியில் அப்துல்லாஹ் பின் ஸைத் ரலியல்லாஹு அன்ஹு வாயிலாக நபி (ஸல்லல்லாஹு அலைஹி வஸல்லம்) அவர்கள் "இவ்விரண்டு தடவைகள் கழுவினார்கள்".(புகாரி,எண்:158), எனவும்,புகாரி,முஸ்லிம் ஆகிய இரு கிரந்தங்களிலும் உஸ்மான ரலியல்லாஹு அன்ஹு வாயிலாக நபி (ஸல்லல்லாஹு அலைஹி வஸல்லம்)"மும்மூன்று தடவைகள் கழுவினார்கள்".எனவும் அறிவிப்புக்கள் வந்துள்ளன.எனவே இதில் மிகச்சிறப்பானது மாறி மாறி செயலாற்றுவது.இதற்கேற்ப சில போது ஒவ்வொரு தடவையும்,இன்னும் சில போது இரு தடவைகளும் மற்றும் சில போது மூன்று தடவைகள் எனவும் சில சந்தர்ப்பங்களில் உறுப்புக்களில் எண்ணிக்கையை மாற்றுதல் உதாணமாக முகத்தை மூன்றுதடவையும், கைகளை இரு தடவையும், கால்களை ஒரு தடவையும் கழுவிக்கொள்ளல்.இது அப்துல்லாஹ் பின் ஸைத் ரலியல்லாஹு அன்ஹு வாயிலாக மற்றொரு அறிவிப்பிலும் இடம் பெற் றுள்ளது.(பார்க்க,ஸாதுல் மஆத்,(1/192).இருந்த போதிலும் மிகப்பரிபூரணமானதும் அதிகம் நபிகளார் செய்து வந்தமையும் மும்மூன்று தடவைகள் கழுவுதல் ஆகும். இதுவே நபிகளார்(ஸல்லல்லாஹு அலைஹி வஸல்லம்) அவர்களது வழி காட்டலும் ஆகும்.

brightness_1 வுழூஃ செய்த பின்னர் ஓதப்படும் துஆ.

உமர் (ரலியல்லாஹு அன்ஹு) அவர்கள் அறிவிக்கிறார்கள் "அல்லாஹ்வின் தூதர் (ஸல்லல்லாஹு அலைஹி வஸல்லம்) கூறினார்கள்:"உங்களில் ஒருவர் முழுமையான முறையில் அங்கத் தூய்மை செய்து விட்டு,அஷ்ஹது அல்லாயி லாஹ இல்லல்லாஹு வ அன்ன முஹம்மதன் அப்துல்லாஹி வரசூலுஹு என்று கூறினால், சொர்க்கத்தின் எட்டு வாசல் களும் அவருக்காகத் திறக்கப் படுகின்றன. அவற்றில் தாம் நாடிய வாசலில் அவர் நுழைந்து கொள்ளலாம்.(நூல்,முஸ்லிம், எண்:234).

அல்லது:மற்றுமொறு அறிவிப்பில் அபீ ஸஈத் ரலியல்லாஹு அன்ஹுவாயிலாக வந்துள்ள ஹதீஸின் படி "எவர் பரிபூர ணமாக வுழூஃ செய்து பின்னர் ஸுப்ஹான கல்லாஹும்ம வபிஹம்திக அஷ்ஹது அன்லாஇலாஹ இல்லா அன்த,அஸ்தக்ஃ பிருக வஅதூபு இலைக என ஓதினால் அது முத்திரையிடப்பட்டு விடும்,பின்னர் அது அர்ஷின் கீழ் உயர்த்தப்பட்டு மறுமை நாள் வரை அதன் முத்திரை உடைக்கப் பட மாட்டாது".(நூல்,அந்நஸாஈ -ஃபீ அமலில்யவ்மி வல்லைல்,எனும் நூலில், பக்கம்,147,அல் ஹாகிம் 1/752,இதன் அறிவிப்பாளர் தொடர் வரிசையை ஸஹீஹ் என இப்னு ஹஜர் அஸ்கலானி ரஹ்மதுல்லாஹ் அவர்கள் அவர்களின் நதாஇ ஜுல் அஃப்கார் எனும் நூலில் 1/246 ல் குறிப்பிட்டுள் ளார்கள்.இதில் அவர் தெளிவு படுத்தும் போது இது நபிகளார் வரையிலுமான தொடர் இல்லாத போதிலும் இதன் அடிப்படை சட்டம் நபி (ஸல்லல்லாஹு அலைஹி வஸல்லம்) அவர்கள் வரை யிலான தொடர்ப்பை கொண்டது, ஏனெனில் இதில் சொந்தக் கருத்துக்கான வாய்ப் புகள் ஏதும் கிடையாது.