brightness_1 Таң намазының сүннеті

Таң намазының сүннеті ол – мұсылман адам күнінің басында оқитын, «ратиб» сүннеттерінің біріншісі. Және оның өзінде бірнеше сүннет амалдары бар. Оларды атап кетудің алдында «ратиб» сүннеттердің не екенін айтып кеткеніміз дұрыс болады. «Ратиб сүннеттері» - әрдайым парыздармен бірге оқылатын сүннет намаздары. Ракағаттарының жалпы саны – он екі ракағат.

Умму Хабиба  былай деді: «Мен Алла елшісінің  былай деп айтқанын естідім: «Кімде-кім күні мен түнінде он екі ракағат оқыса, сол үшін оған жәннатта үй салынады» (Муслим, 728; және әт-Тирмизи осы хадисті риуаят етіп, «Бесін намазының алдында төрт, және одан кейін екі ракағат, ақшам намазынан кейін екі ракағат, құптан намазынан кейін екі ракағат және таң намазының алдында екі ракағат» деген пайғамбардың сөздерін әкелді, (әт-Тирмизи, 415) және хадисті «жақсы әрі сенімді» деді).

brightness_1 Таң намазының сүннеті жай күндері де, сапар күндері де оқылады.

Таң намазының сүннеті ерекшеленетін кейбір іс-шаралар:

Біріншіден: екі «Сахих» хадистер жинақтарында келгендей, таң намазының сүннеті жай күндері де, сапар күндері де оқылады. Ал, сапар күндері бесін, ақшам және құптан намаздарының «ратиб» сүннеттерін оқымау – сүннет болып табылады.

brightness_1 Таң намазының екі ракағат сүннетінде келесі сүрелерді оқу

Таң намазының сүннеті ерекшеленетін кейбір іс-шаралар:

Төртіншіден: Муслимде келген Әбу Һурайраның  хадисінде айтылғандай, сүннет бойынша, таң намазының екі ракағат сүннетінде Фатиха сүресінен кейін, бірінші ракағатында {Айт: «Ей, кәпірлер!»} (Кәфирун сүресі), екінші ракағатында {Айт: «Ол, Алла - Жалғыз»} (Ықылас сүресі) оқылады.  

Немесе, бірінші ракағатында Фатиха сүресінен кейін {Айтыңдар: «Біз Аллаға сендік және бізге түсірілгенге /Құранға/, әрі Ибраһимге, Исмаъилға, Исхаққа, Яъқубқа, және ұрпақтарына түсірілгенге және Мұсаға, Исаға берілгенге, әрі Раббысы тарапынан пайғамбарларға берілгенге сендік. Олардың ешқайсысының араларын айырып, бөлмейміз, әрі біз тек Оған бойсұнушымыз», - деп} (Бақара сүресі, 136) аяты оқылады.

Және Муслимде келген Ибн Аббастың  хадисінде айтылғандай, екінші ракағатында: {/Ей, Мұхаммед!/ Айт: «Ей, кітап берілген қауым! Бізге де, сендерге де бірдей бір сөзге келейік, - Алладан басқаға құлшылық қылмайық, Оған ешнәрсені серік қоспайық. Сондай-ақ, бірімізді біріміз Алладан өзге – иелер етіп алмайық», - деп. Егер олар бет бұрса: «Біздің мұсылман екенімізге куә болыңдар», - деп айтыңдар} (Бақара сүресі, 64) аяты оқылады. Бұл сүннеттер бірде былай, бірде былай оқылатын, әр түрлі көріністермен келген.