brightness_1 Аяқ киімді оң аяқтан бастап кию.

Сүннетке сәйкес, егер мұсылман аяқ киімін кигісі келсе, ол оң жақтан бастайды, ал егер оларды шешкісі келсе, керісінше сол жақтан бастайды.

Бұл жөнінде: Әбу Һурайраның  хадисінде, Алла елшісінің  былай деп айтқаны хабарланады: «Қайсыбірің болмасын аяқ киімін киерде алдымен оң аяғынан бастап кисін. Ал шешкенде сол аяқтан бастасын. Осылайша, оң аяқ алдымен киіліп, соңынан шешілетін болсын» (әл-Бұхари, 5856).

Және Муслимде келген хадисте: «Қайсыбірің болмасын бір ғана аяқ киімін киіп жүрмесін. Екеуін бірдей кисін немесе екеуін де шешіп тастасын», - делінеді (Муслим, 2097).

Бұл екі хадис үш сүннетті қамтиды:

1. Аяқ киімді кигенде оң аяқтан бастау.

2. Аяқ киімді шешкенде сол аяқтан бастау.

3. Аяқ киімнің біреуімен ғана жүрмеу үшін, екеуін де кию немесе екеуін де шешіп тастау.

brightness_1 Ақ түсті киімдерді кию.

Ақ түсті киімдерді кию – сүннет амалдарынан болып табылады. Ибн Аббастың /ол екеуіне Алла разы болсын/ хадисінде: «Алла елшісі : «Киімдеріңнің ақ түстісін киіңдер. Шын мәнінде, ондай киімдер – киімдердің ең жақсылары. Және дүниеден озғандарыңды сол түске ораңдар», - деді», - деп хабарланады (Ахмад, 2219; Әбу Дәуіт, 3878; әт-Тирмизи, 994; әл-Әлбани хадистің сенімділігін растады «Сахих әл-Жамиъ» 1/267).

Шейх Усеймин /оған Алланың рахыметі болсын/ былай деді: «Бұл кез-келген ақ киімге қатысты болады, мысалы, көйлек, шалбар және басқа киімдер. Барлық киім ақ болғаны абзал, себебі бұл - ең жақсы киімдер. Алайда, егер адам басқа түсті киім кисе, оның ешқандай жамандығы жоқ» (Шейх Ибн Усейминнің «Риядус-салихин» кітабының түсіндірмесі 2/1087).