brightness_1 Сүннет бойынша, бесін парызының бірінші ракағатын ұзақ оқу.

Әбу Саъид әл-Худридің  хадисінде, ол: «Бесін намазы басталғанда, біреуіміз өзінің қажеттіліктерін өтеу үшін «әл-Бақиъ» зиратына барып, одан кейін таһаратын алып намаз оқуға келгенінде, Алла елшісі  әлі бірінші ракағатын оқып тұратын еді. Оны соншалық ұзартып оқитын», - деді (Муслим, 454).

Сөйтіп, бесін парызының бірінші ракағатын ұзақ оқу мешіттегі имамға да, жеке оқып жатқан адамға да, тіпті әйелге де сүннет болып табылады. Өкінішке орай, бұл амал – ұмытылған сүннетердің қатарында. Пайғамбар  сүннетіне ұмтылып, оны кәміл түрде орындауымызды мүмкін етуді Алладан сұраймыз!

brightness_1 Сүннет бойынша, күн ыстығы қатты қызып жатса, намазды күннің салқындаған уақытына дейін кешіктіру.

Бұл жөнінде:

Әбу Һурайраның  хадисінде: «Күннің ыстығы тым қатты болса, намазды кешіктіріңдер. Шын мәнінде, /күннің/ ыстығы тозақтың лебізінен болады», - деп айтылған (әл-Бұхари, 533,534; Муслим, 615).

Шейх Ибн Усеймин /оған Алланың рахыметі болсын/: «Егер бесін намазының уақыты жазды күні сағат он екілерде кіреді деп  санасақ, ал екінті намазы шамамен сағат төрт жарымда болса, онда бесін намазды сағат төртке дейін кешіктіруге болады /күн салқындағанша дейін/», - деді («Әл-Мумтиъ» 2/104).

Дұрыс пікір бойынша, күннің ыстығында намазды кешіктіру – жамағатқа, жеке оқитын кісіге және әйелдерге жалпы үкім болып табылады. Және осы пікірді шейх Ибн Усеймин /оған Алланың рахыметі болсын/  таңдаған. Әбу Һурайраның  хадисінде үкім жалпы түрде айтылғаны үшін, жоғары аталғандардың барлығына да күн ыстық болып тұрғанда намазды кешіктіру – сүннет болады.