Mga sunnah| Mga Sunnah sa Ṣalāh

Ang mga sunnah na walang nakatakdang oras/ Mga Sunnah sa Ṣalāh ( Ang bilang nito 8 Ang mga kategorya )

1 Dami ng mga pag-ulit

أَسْتَغْفِرُ الله، أَسْتَغْفِرُ الله، أَسْتَغْفِرُ الله، اللَّهُمَّ أَنْتَ السَّلاَمُ وَمِنْكَ السَّلاَمُ، تَبَارَكْتَ يا ذَا الْجَلاَلِ وَالإِكْرَامِ

Magsasabi ng “Astaghfiru –llāḥ (Humihingi ako ng tawad kay Allāh)” nang tatlong ulit. Pagkatapos ay magsasabi ng “Allāhumma anta -ssalāmu wa minka -ssalām, tabārakta yā dha -ljalāli wa -l’ikrām. (O Allāh, Ikaw ang Sakdal at mula sa Iyo ang kapayapaan. Napakamapagpala Mo, o pinag-uukulan ng pagpipitagan at pagpaparangal.)” Isinaysay ito ni Imām Muslim na may numerong 591 mula sa ḥadīth ayon kay Thawbān – malugod si Allāh sa kanya.

.......

1 Dami ng mga pag-ulit

لاَ إِلهَ إِلاَّ اللّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، لاَ حَوْلَ وَلاَ قُوَّةَ إِلاَّ بِاللّهِ، لاَ إِلهَ إِلاَّ اللّهُ، وَلاَ نَعْبُدُ إِلاَّ إِيَّاهُ، لَهُ النِّعْمَةُ وَلَهُ الْفَضْلُ، وَلَهُ الثَّنَاءُ الْحَسَنُ، لاَ إِلهَ إِلاَّ اللّهُ مُخْلِصِينَ لَهُ الدِّينَ، وَلَوْ كَرِهَ الْكَافِرُونَ

“Lā ilāha illa -llāh waḥdahu lā sharīka lah, lahu -lmulku wa lahu -lḥamdu wa huwa `alā kulli shay’in qadīr. lā ḥawla wa lā qūwata illā bi-llāh, lā ilāha illa -llāh, wa lā na`budu illā iyyāh, lahu -nni`matu wa lahu -lfaḍlu wa lahu -ththanā’u -lḥasan, lā ilāha illa -llāhu mukhliṣīna lahu -ddīna wa law kariha -lkāfirūn. (Walang Diyos kundi si Allāh — tanging Siya: wala Siyang katambal. Ukol sa Kanya ang paghahari at ukol sa Kanya ang papuri, at Siya sa bawat bagay ay Makapangyarihan. Walang kapangyarihan at walang lakas kundi sa pamamagitan ni Allāh. Walang Diyos kundi si Allāh, at wala tayong sinasamba kundi Siya. Ukol sa Kanya ang pagbibiyaya at ukol sa Kanya ang pagmamabuting-loob at ukol sa Kanya ang magandang pagbubunyi. Walang Diyos kundi si Allāh. [Kami ay] mga nagpapakawagas sa Kanya sa pagtalima, kahit pa man masuklam ang mga tumatangging sumampalataya.)” Isinaysay ito ni Imām Muslim na may numerong 596.

.......

1 Dami ng mga pag-ulit

لاَ إِلهَ إِلاَّ اللّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، اللَّهُمَّ لاَ مَانِعَ لِمَا أَعْطَيْتَ، وَلاَ مُعْطِيَ لِمَا مَنَعْتَ، وَلاَ يَنْفَعُ ذَا الْجَدِّ مِنْكَ الْجَدُّ

“Lā ilāha illa -llāh waḥdahu lā sharīka lah, lahu -lmulku wa lahu -lḥamdu wa huwa `alā kulli shay’in qadīr. Allāhumma lā māni`a limā a`ṭayta, wa lā mu`ṭiya limā mana`ta, wa lā yanfa`u dha-ljaddi minka -ljadd. (Walang Diyos kundi si Allāh — tanging Siya: wala Siyang katambal. Ukol sa Kanya ang paghahari at ukol sa Kanya ang papuri. Siya sa bawat bagay ay Makapangyarihan. O Allāh, walang pipigil sa anumang ibinigay Mo, walang magbibigay sa anumang pinigil Mo, at hindi pakikinabangin ang may yaman: mula sa iyon ang yaman.)” Isinaysay ito ni Imām Al-Bukhārīy na may numerong 844. Isinaysay ito ni Imām Muslim na may numerong 593.

.......

100 Dami ng mga pag-ulit

سبحان الله (33)، الحمد لله (33)، الله أكبر (33)، لاَ إِلهَ إِلاَّ اللّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ

Una: “Subḥāna -llāh (Napakamaluwalhati ni Allāh)” 33 ulit, “Alḥamdu lillāh (Ang papuri ay ukol kay Allāh)” 33 ulit, “Allāhu akbar (Si Allāh ay pinakadakila)” 33 ulit, at sa paglulubos sa isandaan: “Lā ilāha illa llāhu waḥdahu lā sharīka lah, lahu lmulku wa lahu lḥamd, wa huwa `alā kulli shay’in qadīr. (Walang Diyos kundi si Allāh – tanging Siya: wala Siyang katambal. Ukol sa Kanya ang paghahari at ukol sa Kanya ang papuri, at Siya sa bawat bagay ay Makapangyarihan.)” Batay sa ḥadīth ayon kay Abū Hurayrah - malugod si Allāh sa kanya –na nagsabi: Nagsabi ang Sugo ni Allāh – pagpalain siya ni Allāh at pangalagaan: “Ang sinumang nagluwalhati kay Allāh sa katapusan ng bawat ṣalāh nang tatlumpu’t tatlong ulit, nagpuri kay Allāh nang tatlumpu’t tatlong ulit, at nagdakila kay Allāh nang tatlumpu’t tatlong ulit – iyon na siyamnapu’t siyam – at nagsabi sa paglulubos ng isandaan: Walang Diyos kundi si Allāh – tanging Siya: wala Siyang katambal. Ukol sa Kanya ang paghahari at ukol sa Kanya ang papuri, at Siya sa bawat bagay ay Makapangyarihan, patatawarin ang mga kamalian niya kahit pa man tulad ng mga bula ng dagat.” Isinaysay ito ni Imām Muslim na may numerong 597.

.......

100 Dami ng mga pag-ulit

سبحان الله (33)، الحمد لله (33)، الله أكبر (34) م

Ikalawa: “Subḥāna -llāh (Napakamaluwalhati ni Allāh)” 33 ulit, “Alḥamdu lillāh (Ang papuri ay ukol kay Allāh)” 33 ulit, “Allāhu akbar (Si Allāh ay pinakadakila)” 34 ulit, batay sa ḥadīth ayon kay Ka`b bin `Ujrah – malugod si Allāh sa kanya – na nagsabi: Nagsabi ang Sugo ni Allāh – pagpalain siya ni Allāh at pangalagaan: “May mga inuulit-ulit na hindi mabibigo ang nagsasabi ng mga ito o nagsasagawa ng mga ito sa katapusan ng bawat ṣalāh na isinatungkulin: tatlumpu’t tatlong pagluluwalhati, tatlumpu’t tatlong pagpupuri, at tatlumpu’t apat na pagdakila.” Isinaysay ito ni Imām Muslim na may numerong 596.

.......

100 Dami ng mga pag-ulit

سبحان الله (25)، الحمد لله (25)، الله أكبر، لا إله إلا الله (25) م

Ikatlo: “Subḥāna -llāh (Napakamaluwalhati ni Allāh)” 25 ulit, “Alḥamdu lillāh (Ang papuri ay ukol kay Allāh)” 25 ulit, “Allāhu akbar (Si Allāh ay pinakadakila)” 25 ulit. Ang anyong ito ay nasaad sa ganang kay Imām At-Tirmidhīy mula sa ḥadīth ayon kay `Abdullāh bin Zayd – malugod si Allāh sa kanya – at isinaysay ito ni Imām At-Tirmidhīy na may numerong 3413 at itinuring na tumpak ito ni Al-Albānīy, Taḥqīq Mishkāh Al-Maṣābīḥ 1/307.

.......

1 Dami ng mga pag-ulit

سبحان الله (10)، الحمد الله (10)، الله أكبر (10) م

Ikaapat: “Subḥāna -llāh (Napakamaluwalhati ni Allāh)” 10 ulit, “Alḥamdu lillāh (Ang papuri ay ukol kay Allāh)” 10 ulit, “Allāhu akbar (Si Allāh ay pinakadakila)” 10 ulit Ang anyong ito ay nasaad sa ganang kay Imām At-Tirmidhīy mula sa ḥadīth ayon kay `Abdullāh bin `Amr – malugod si Allāh sa kanya – at isinaysay ito ni Imām At-Tirmidhīy na may numerong 3410 at itinuring na tumpak ito ni Al-Albānīy, Taḥqīq Mishkāh Al-Maṣābīḥ 2/743. Nauna nang nabanggit ang patakaran sa mga pagsambang nasasaad ayon sa sari-saring mga anyo: gagawin ang isang anyo minsan at ang iba pang anyo minsan. Ang sunnah ay maging sa pamamagitan ng mga daliri ang tasbīḥ batay sa isinaysay nina Imām Aḥmad at Imām At-Tirmidhīy. Nagsabi ang Propeta – pagpalain siya ni Allāh at pangalagaan: “…magluwalhati kayo, at bilangin ninyo gamit ang mga daliri, sapagkat ang mga ito ay mga tatanungin at mga pagsasalitaan.” Isinaysay ito nina Imām Aḥmad na may numerong 27089 at Imām At-Tirmidhīy na may numerong 3486. Itinuring na maganda ito ni Al-Albānīy, Ṣaḥīḥ Al-Jāmi` 2/753.

.......

1 Dami ng mga pag-ulit

اللَّهُ لَا إِلَهَ إِلَّا هُوَ الْحَيُّ الْقَيُّومُ لَا تَأْخُذُهُ سِنَةٌ وَلَا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلَا يَئُودُهُ حِفْظُهُمَا وَهُوَ الْعَلِيُّ الْعَظِيمُ

Batay sa ḥadīth ayon kay Abū Umāmah – malugod si Allāh sa kanya – na nagsabi: Nagsabi ang Sugo ni Allāh – pagpalain siya ni Allāh at pangalagaan: “Ang sinumang bumigkas ng Āyatulkursīy pagkatapos ng bawat ṣalāh na isinatungkulin, walang makapipigil sa kanya sa pagpasok sa Paraiso kundi ang kamatayan.” Isinaysay ito ni Imām An-Nasā’īy sa As-Sunan Al-Kubrā na may numerong 9928 at itinuring na tumpak ito nina Al-Mundhirīy sa aklat niya: At-Targhīb wa At-Tarhīb na may numerong 2373; Ibnu `Abdilhādī, Al-Muḥarrir 1/198; at Ibnu Al-Qayyim, Zād Al-Ma`ād 1/303.

.......

1 Dami ng mga pag-ulit

Batay sa ḥadīth ayon kay `Uqbah bin `Āmir – malugod si Allāh sa kanya – na nagsabi: “na bumigkas ako ng mga mu`awwidhah pagkatapos ng bawat ṣalāh.” Isinaysay ito ni Abū Dāwud na may numerong 1525. Nagsabi si Al-Albānīy: “Sinabi ko na ang kawing ng pananalaysay nito ay tumpak.” Itinuring na tumpak ito nina Ibnu Khuzaymah at Ibnu Ḥibbān, Ṣaḥīḥ Abī Dāwud 5/254. Ito ay kabuuan ng mga sunnah ng ṣalāh na itinuturing na kaibig-ibig para sa nagdarasal na isagawa niya ang mga ito. Nasa oras pa rin tayo ng fajr at inilahad lamang natin dahil sa nauna at dahil sa pangangailangan natin na isaisip ito sa bawat posisyon ng ṣalāh. Si Allāh ay higit na nakaaalam. .......