بە بەڵگەی فەرموودەكەی (ثابت البناني) لە (ئەنەس)ەوە كەوا فەرموویەتی : من كورتی ناكەمەوە لەوەی نوێژتان پێ بكەم هەروەكو پێغەمبەری خوام(صلَّى الله عليه وسلَّم) بینی نوێژی پێ دەكردین , دەڵێت : جا ئەنەس شتێكی دەكرد نەمدەبینی ئێوە بیكەن , ئەو ئەگەر سەری لە كرنۆش بەرز بكردایەتەوە بە تەواوی رادەوەستا , تاوەكو یەكێك لە ئێمە دەیگوت : لە بیری چوو , وە ئەگەر لە سوجدە سەری بەرز بكردایەتەوە هێندە دەمایەوە تاوەكو یەكێك لە ئێمە دەیگوت : لە بیری چوو) (بوخاری) ریوایەتی كردووە بە ژمارە(821) و(موسلیم) بە ژمارە(472) .
أ / "اللَّهُمَّ رَبَّنَا وَلَكَ الْحَمْدُ " (بوخاری) ریوایەتی كردووە بە ژمارە (795) لە فەرموودەی (أبو هریرة)ەوە .
ب/ " اللَّهُمَّ رَبَّنَا لَكَ الْحَمْدُ " (بوخاری) ریوایەتی كردووە بە ژمارە (796) و (موسلیم) بە ژمارە (404) لە فەرموودەی (أبو هریرة) وە –رەزای خوای لەسەر بێت- .
ج/ "رَبَّنَا وَلَكَ الْحَمْدُ " (بوخاری) ریوایەتی كردووە بە ژمارە(799) و (موسلیم) بە ژمارە(411) لە فەرموودەی دایكە عائیشەوە –رەزای خوای لەسەر بێت - .
د/ " رَبَّنَا لَكَ الْحَمْدُ "- (بوخاری) ریوایەتی كردووە بە ژمارە (722) لە فەرموودەی (أبو هریرة) وە –رەزای خوای لەسەر بێت- .
جا جارێك ئەمەیان دەڵێت و جارێك ئەویتر .
وە لەو زیكرانەی كە دروستە لە پاش هەستانەوە لە كرنۆش بگوترێت ئەمانەن :
أ / (ئەی خودایە .. سوپاس و ستایش بۆ تۆیە , پڕ بە ئاسمانەكان و پڕ بە زەوی و پڕ بەو شتەی خۆت ویستت لێ بێت , ئەی شایستەی ستایش و رێزلێنان , راستترین شتێك بەندە وتبێتی و هەمووشمان بەندەی تۆین , ئەی خوایە هیچ رێگرێك نییە بۆ ئەو شتەی كە تۆ دەیبەخشی و بەخشەر نییە بۆ ئەو شتەی تۆ دەیگریتەوە و هیچ خاوەن سامان و دەوڵەمەندێك -سامان و دەوڵەمەندییەكەی- سوودی پێناگەیەنێ و رزگاری ناكا لە تۆ ) (موسلیم) ریوایەتی كردووە بە ژمارە(477) لە فەرموودەی(أبو سعید)ەوە –رەزای خوای لەسەر بێت- .
ب/ سوپاس و ستایش بۆ خوای گەورە , سوپاسێكی زۆر و پاك و پیرۆز و پڕ بەرەكەت) وە دەربارەی ئەم زیكرە پێغەمبەری خوا(صلَّى الله عليه وسلَّم) فەرموویەتی : (بە راستی دوازدە فریشتەم بینی دەستپێشخەرییان دەكرد كامیان بەرزی بكەنەوە ) (موسلیم) ریوایەتی كردووە بە ژمارە (600) (بوخاری) بە ژمارە(799) .
د/ (ئەی خودایە .. پاكم بكەرەوە بە بەفرو تەرز و ئاوی سارد , ئەی خودایە لە تاوان و گوناهەكانم پاكم بكەرەوە هەروەكو چۆن پۆشاكی سپی لە پیسی پاك دەكرێتەوە) (موسلیم) ریوایەتی كردووە بە ژمارە (476) .
وە ئەگەر كەسی موسڵمانان ئەم زیكرانەی گوت ئەوا دەتوانێت ئەم روكنە درێژ بكاتەوە .
