brightness_1
Allahu i Lartmadhëruar ka nxitur të përmendet në mjaft raste, po përmendim disa prej tyre
1. Allahu i Lartmadhëruar i ka nxitur robërit e Tij të bëjnë sa më shumë dhikër. Në lidhje me këtë Allahu i Lartësuar ka thënë:
{يا أَيُّهَا الّذينَ ءاَمَنُواْ اذْكُرُوْا الله ذِكْراً كَثِيراً وَ سَبِّحُوْهُ بُكْرَة وَأَصِيْلاً}
“O besimtarë, përmendeni shpesh Allahun dhe lavdërojeni Atë në mëngjes dhe në mbrëmje!” (El-Ahzab: 41-42)
2. Allahu i Lartësuar u ka premtuar falje dhe shpërblim të madh gjithë atyre që e përmendin shumë. Në lidhje me këtë Allahu i Lartësuar ka thënë:
{وَالذَّاكِرِينَ اللَّهَ كَثِيراً وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْراً عَظِيماً }
“…përkujtuesit e Allahut vazhdimisht dhe përkujtueset, pra, për të gjithë këta Allahu ka përgatitur falje dhe shpërblim të madh.” (El-Ahzab: 35)
3. Allahu i Lartmadhëruar na ka tërhequr vërejtjen nga cilësitë e hipokritëve, të cilët e përmendin Allahun e Lartmadhëruar fare pak. Në lidhje me këtë Allahu i Lartësuar ka thënë:
{إِنَّ الْمُنَافِقِينَ يُخَادِعُونَ اللّهَ وَهُوَ خَادِعُهُمْ وَإِذَا قَامُواْ إِلَى الصَّلاَةِ قَامُواْ كُسَالَى يُرَآؤُونَ النَّاسَ وَلاَ يَذْكُرُونَ اللّهَ إِلاَّ قَلِيلاً }
“Në të vërtetë, hipokritët përpiqen të mashtrojnë Allahun, por është Ai që i mashtron ata. Kur ata ngrihen për namaz, ngrihen me përtesë, vetëm sa për t’u dukur para botës dhe Allahun e përmendin fare pak.” (En-Nisa: 142)
3. Allahu i Lartmadhëruar na ka tërhequr vërejtjen që mos jepemi pas pasurisë dhe fëmijëve e të lëmë përmendjen e Tij, duke thënë:
{يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ وَمَن يَفْعَلْ ذَلِكَ فَأُوْلَئِكَ هُمُ الْخَاسِرُونَ}
“O besimtarë, mos lejoni që pasuria dhe fëmijët tuaj t’ju largojnë nga të përmendurit e Allahut. Ata që e bëjnë këtë, do të humbin.” (El-Munafikun: 9)
5. Le të persiatim së bashku këtë mirësi madhështore dhe nderim të lartë, për të cilën Allahu i Lartësuar thotë:
{فَاذْكُرُوْنِي أَذْكُرْكُمْ}
“Kujtomëni Mua (me namaz, lutje e dhikër etj.) që Unë t’ju kujtoj(me shpërblime).” (El-Bekare: 152)
Ndërsa në hadithin kudsi Allahu i Lartësuar thotë: “Unë do të sillem me robin Tim ashtu si mendon ai se do të veproj me të. Unë jam me të (me mëshirën, ndihmën dhe suksesin që i jap), kur ai më përmend. Nëse ai më përmend në vetvete, Unë e përmend në Vetvete. Nëse ai më përmend në një grup, Unë e përmend në një grup më të mirë (te engjëjt).” (Transmeton Bukhariu nr. 7405 dhe Muslimi nr. 2675; nga hadithi i Ebu Hurejrës -Allahu qoftë i kënaqur me të!)
